أهم ما جاء في تصريح احمد العجلاني مدرب النجم الساحلي بعد هزيمته ضد الترجي في سوسة :
- النتيجة ماتبعتش خاتر الظروف متاعنا صعيبة ، عمري ما عملت خطوة لتدريب النجم الساحلي لكن لما احتاجني لبية نداء الواجب و نعانونوا في فريق النجم خاتروا فريقنا و مكانش عنا شروط
- الفريق الوضعية الي وصللها توا يتحمل مسؤوليتها احمد العجلاني؟ العجلاني جاء و ضحى بسمعته بدون ادنى شروط و " الرجولية يا تتولد بيها ، يا تقعد عمرك تتفرج عليها"
- اني من الناس الي دافعت و ما لوجتش باش ندرب النجم الساحلي و لا في تونس اصلا عندي 27 سنة من الي خرجت من تونس و جيت تلبية لنداء الواجب و معنديش مزية
- مانقعدش اني وحدي في المسؤولية باش نتحمل مسؤولية أخطاء الاخرين، نشوف فما ناس قاعدة تعاون لكن مش هذا و اول ما تعينت اتصل بيا زياد الجزيري و فؤاد الشتالي لكن فما ناس تعكل و تضرب في الفريق
- رسميا ما نواصلش المغامرة و جيت باش نعاون فريقي و هذا واجبي لكن الفريق وصل للحالة هاذي خاطتر العجلاني درب 15 يوم ؟
- الجمهور من حقه باش يطالب جمعيته تلعب على الالقاب لكن الحق متاعه مش على حسابي اني ، خاتر اني كيف جيت لقيت الظروف هذه لاعملت تحضيرات لا انتدابات...حتى في التمارين كل يوم نتدربوا في بلاصة
- الوضعية خطيرة برشا ، هاني مضحي و مستعد باش نضحي دائما من اجل النجم الساحلي هاو فما ناس دفعت خانة 20 مليون و قام بواجبه توا حتى اني ندفع خانة و خلاص وقتها قمت بواجبي لاني نحب ليتوال
